主页>R生活君 >伊吕波隆重回归 体验飞驒牛十部位

伊吕波隆重回归 体验飞驒牛十部位

2020-06-17 | 文章出自:
(Present by肉料理 广)

日本烧肉店喺香港选择众多,但定位各异,有啲会以平实价钱做招倈,部分就以高档讲究做卖点。如果想搵一间近期性价比最高嘅代表,Dining娜会推介「肉料理 广」,皆因餐厅最近推出咗一个非常吸引抵食嘅2人精选套餐,只要$1,180就可以一次过食均A5飞驒牛10个唔同部位!仲可以品尝到有40年丰富经验同技术嘅日藉总厨山本一郎,利用精湛刀功为A5飞驒牛切割出完美纹路,同时又保留咗唔同部位嘅独特风味!A5飞驒牛每日由日本新鲜空运到港,每一件都脂肪分布平均,霜降油花入口即溶,肉质软嫩,只需要少量海盐调味,待轻炙后再佐以秘製酱汁食用,就可以品尝到A5飞驒牛最极致细腻嘅味道同质感!

今次推介嘅2人精选套餐,由日藉总厨山本一郎喺成只A5飞驒牛28个唔同切割部位里头,精选出10个唔同部位:西冷、肉眼芯、里脊肉、上后腰脊肉、臂骨肉、和尚头、亀之子同友三角,共16件日本直送黑毛和牛肉,俾大家慢慢细味!每个部位从油花分布、筋肉质感、肉味浓度,以至切割厚薄都各有特色。好似里脊肉係牛背最嫩滑嘅瘦肉部分,虽然油花较少,但相对油腻感亦较轻。而臂骨肉因为係骨边肉,牛味浓郁,稍为轻炙即可食用。属于牛前胸部位嘅友三角,油花十足且分布匀均,只要轻烧几吓已脂香四溢。同样係雪花较多又富肉味嘅肉眼芯(无错,总厨细緻到就算肉眼部位,都要再精準分成肉眼芯、肉眼顶同肉眼卷等精细部位),唔单止无筋滑嫩,仲要入口即溶,令人食完小确幸心情油然而生。

伊吕波隆重回归 体验飞驒牛十部位

每个部位都会附上由日藉总厨命名嘅名牌介绍,够晒细心。

由于今次食用嘅飞驒牛係经14个月以上高海拔天然养殖,属最顶级A5品质,所以基本上唔驶任何腌製调味,简单洒上少少海盐提鲜,已经可以食到飞驒牛超丰富嘅肉味、油花同质感。不过,餐厅都会附上清新柠檬汁同秘製酱汁,俾大家点醮嚟食。负责人期间俾大家一个烧肉小贴士,就係先将飞驒牛反覆喺网面轻拖两吓,等牛油沾喺网面上避免黐底,再将肉放喺网边轻轻烧炙就得啦!由于网中央火势较猛,最好放啲比较难熟嘅食物,好似野菜同牛以外嘅其他肉类。

伊吕波隆重回归 体验飞驒牛十部位

飞驒牛肉质上乘,轻烧数下肉面已见吸引网纹。

由于「肉料理广」主打肉料理,所以今次套餐除咗有主角A5飞驒牛烧肉之外,仲会有埋4件灸烧A5飞驒牛握寿司,包括2件灸烧赤身 A5飞驒牛寿司(外侧后腿肉),同埋2件灸烧霜降 A5飞驒牛寿司(下肩胛翼板肉-稀少部份)。软糯嘅珍珠米沾满咗和牛油香,夹杂住肉脂各半嘅油肉层次,叫人回味。套餐同时送埋2人份量嘅野菜拼盘、麵豉汤、渍物、茶碗蒸及白饭。好味饱肚同时亦唔会有滞腻感。

伊吕波隆重回归 体验飞驒牛十部位

和牛寿司味道同样有惊喜!

伊吕波隆重回归 体验飞驒牛十部位

肉料理广喺5月仲会推出呢个只要$780,就可以食均西冷、臀骨肉、牛肩肉、里脊肉,同埋上后腰脊肉,多位部位嘅「A5飞驒牛拼盘」!

伊吕波隆重回归 体验飞驒牛十部位

秘製小壶渍小牛排 $210,同餐厅一齐经历过十几年风风雨雨,亦係呢度长期必点皇牌。

日本和牛向来被视为国宝级食材,而飞驒牛、宫崎牛同神户牛,就并称为日本三大和牛,其中飞驒牛由于品种纯正,加上生长喺5,000米以上嘅高海拔纯净山上,所以连续三届获得「全国和牛能力共进会」(别称「和牛奥林匹克」)最优秀食用牛肉奖,更被誉为「和牛之王」! 而上年开业嘅「肉料理广」,前身其实係烧肉店「伊吕波」,由于后者想由只卖烧肉嘅市场定位,转走更加全面嘅肉料理路线,所以早前再翻新全店,又请嚟有廿几年丰富日料理经验嘅「伊吕波」总厨山本一郎坐镇,品质绝对有高度保证!

伊吕波隆重回归 体验飞驒牛十部位

餐厅环境清静阔落,营造足够私人空间。无火烧炉配合强劲抽风系统,更可以减少油烟腻气,单睇贴心细节位已立见高低。

伊吕波隆重回归 体验飞驒牛十部位

餐厅邻近港铁(铜锣湾站F1出口)、各小巴及巴士站,交通十分方便。

肉料理广地址:铜锣湾渣甸街50号渣甸中心2楼电话:2882 9877

备注:「精选A5飞驒牛10部位2人套餐」,价钱$1,180,包括精选A5飞驒牛16件烧肉、灸烧A5飞驒牛寿司4件,野菜拼盘、麵豉汤、渍物、茶碗蒸及白饭。